پێکی عەتر

تۆ بە مەی مەستم مەکە ساقی من لێوم دەوێ
دوای گەمەی پەرژینشکاندن چنگی پڕ سێوم دەوێ
ساقی جامی پڕ لە بادەت لاوە نێ وا شێت ئەبم
چوویتە سەر باڵی خەوی خۆش بۆ شەوێک هاوڕێت ئەبم

من حەزم لێیە لە ناوتا ون ببم بێ ئاسەوار
وەک چرای بەر ڕۆژی ڕوون و وەکوو شێنە و بای بەهار
ساقی لێوت پێکی عەترە و گیانی من بۆنی دەوێ
پێشی چاوم پڕ نەکەی تۆ ئەشقی هۆن هۆنی دەوێ
تۆ بە مەی مەستم مەکە ساقی من ماچم دەوێ
خاوەنی ئەو ڕاز و نازەی بۆیە من باجم دەوێ

هۆنراوە: حەسیب قەرەداغی

To be mey mestim meke saqî min lêwim dewê
Dway gemey perjînişkandin çingî pir sêwim dewê
Saqî camî pir le badet lawe nê wa şêt ebim
Çûyte ser balî xewî xoş bo şewêk hawrêt ebim

Min hezim lêye le nawta win bibim bê asewar
Wek çiray ber rojî rûnû wekû şênew bay behar
Saqî lêwit pêkî ’etrew gyanî min bonî dewê
Pêşî çawim pir nekey to eşqî hon honî dewê
To be mey mestim meke saqî min maçim dewê
Xawenî ew razû nazey boye min bacim dewê

Honrawe: hesîb qeredaxî