بە ئاسمانەوە ئەستێرەم دیوە

بە سەرسامی لەسەر لوتکەی بڵیندی گوندێ وەستاوم
شریتی عومری ڕابردووم وەکوو خەو دێتە بەر چاوم
شریتی سەراپا سەرگوزەشتەی نائومێدیمە
فلیمی پڕ لە ناسۆری هەرەس هێنانی لاویمە

بە ئاسمانەوە ئەستێرەم دیوە
لە باغچەی بەهار گوڵم چنیوە

پەلکەزێڕینەی پاش بارانی زۆر
چەماوەتەوە بەرامبەر بە خۆر

خوڕەی قەڵبەزەی کەفزێڕینی* چەم
لە هەزار نەغمە* پرشنگی نێو تەم

ئەمانە هەمووی جوانن شیرینن
ڕۆشنکەرەوەی شەقامی ژینن
بە ئاسمانەوە ئەستێرەم دیوە
لە باغچەی بەهار گوڵم چنیوە

هۆنراوە: گۆران
*: لە هۆنراوەی شاعیردا «کەفزێوین» و «چەشنە» هاتووە.

Be sersamî leser lutkey bilîndî gundê westawim
Şirîtî ’umrî rabirdûm wekû xew dête ber çawim
Şirîtî serapa serguzeştey na’umêdîme
Filîmî pir le nasorî heres hênanî lawîme

Be asmanewe estêrem dîwe
Le baxçey behar gulim çinîwe

Pelkezêrîney paş baranî zor
Çemawetewe beramber be xor

Xurey qelbezey kefzêrînî* çem
Le hezar nexme* pirşingî nêw tem

Emane hemûy cwanin şîrînin
Roşnikerewey şeqamî jînin
Be asmanewe estêrem dîwe
Le baxçey behar gulim çinîwe

Honrawe: goran
*: le honrawey şa’îrda «kefzêwîn»û «çeşne» hatuwe.