بناسە دەنگی غەریبی

بناسە دەنگی غەریبی منە ئەمشەو بۆ لای تۆ دێت
لە دووریتا بە ئازارم پەی پێ نابەم مانگەشەویش لەلام هەڵبێت

لە هەر کوێ بی دەکەم یادت شێوەت لە دڵا هەر ماوە
لە حەسرەت دەردی دووریتە چاوەکانم خوێن و فرمێسکیان تێ زاوە
وێڵم بە شوێن نەغمەی عوود و کەمان و ئاوازەکانت
ئاخۆ کەی بێ شاد ببمەوە بە وێنەی جاری جارانت
بناسە دەنگی غەریبی منە ئەمشەو بۆ لای تۆ دێت
لە دووریتا بە ئازارم پەی پێ نابەم مانگەشەویش لەلام هەڵبێت

جێم مەهێڵە ئۆقرە ناگرم منی نامۆ ئا لەم شارە
لەو ڕۆژەوە بەجێت هێشتووم بە تەنیایی ڕۆژم وەکوو شەوی تارە
دەسا ئەی خوا ئاخۆ کەی بێ شاد ببمەوە بە یەکجاری
قوڵپەی گریان لە گەرووما تاو ئەسێنێ بۆ ڕوخساری
بناسە دەنگی غەریبی منە ئەمشەو بۆ لای تۆ دێت
لە دووریتا بە ئازارم پەی پێ نابەم مانگەشەویش لەلام هەڵبێت

Binase dengî xerîbî mine emşew bo lay to dêt
Le dûrîta be azarim pey pê nabem mangeşewîş lelam helbêt

Le her kwê bî dekem yadit şêwet le dila her mawe
Le hesret derdî dûrîte çawekanim xwênû firmêskyan tê zawe
Wêlim be şwên nexmey ’ûdû kemanû awazekanit
Axo key bê şad bibmewe be wêney carî caranit
Binase dengî xerîbî mine emşew bo lay to dêt
Le dûrîta be azarim pey pê nabem mangeşewîş lelam helbêt

Cêm mehêle oqre nagirim minî namo a lem şare
Lew rojewe becêt hêştûm be tenyayî rojim wekû şewî tare
Desa ey xwa axo key bê şad bibmewe be yekcarî
Qulpey giryan le gerûma taw esênê bo ruxsarî
Binase dengî xerîbî mine emşew bo lay to dêt
Le dûrîta be azarim pey pê nabem mangeşewîş lelam helbêt