لای لای

چاوەنواڕی چاوی لەیلام
من بۆ گوڵێ شێت و شەیدام

ئەو باڵا بەرزە و جوانە
خونچیلە و بەژنی نەمامە

چاو مەستێ گوڵی بەهارە
وەک دیمەنی سەرچنارە

گوڵانی سوور و ئاڵی کێو
لە وێنەی گۆنا و خاڵی لێو

بسکی لوول و زولفی پەشێو
سوێسنە و هەڵاڵەی سەری کێو

ڕازاوەتر لە پۆڵی گوڵ
جوانترە لە خونچەی سەر چڵ

ئەی شۆخی باڵابەرز و جوان
بە ئاوات بووم بۆم بێیە ژوان

گوڵانی سوور و ئاڵی کێو
لە وێنەی گۆنا و خاڵی لێو

بەهار هاتەوە خۆشی لەیاد هات
خۆشی لە گوڵشەن، خۆشی لە خەندەی

بسکی لوول و زولفی پەشێو
سوێسنە و هەڵاڵەی لووتکەی کێو

Çawenwarî çawî Leylam
Min bo gulê şêt û şeydam

ew bala berze û ciwane
Xunçîle û bejnî nemame

çaw mestê gulî behare
Wek dîmenî Serçinare

gulanî sûr û alî kêw
Le wêney gona û xalî lêw

biskî lûl û zulfî peşêw
Siwêsin û helaley serî kêw

razawetir le polî gul
Ciwantire le xunçey ser çil

ey şoxî balaberz û ciwan
Be awat bûm bom bêye jwan

gulanî sûr û alî kêw
Le wêney gona û xalî lêw

behar hatewe û xoşî leyad hat
Xoşî le gulşin, xoşî le xendey

biskî lûl û zulfî peşêw
Swêsin û helaley lûtkey kêw