دوورەوڵاتی

لە ئەم نامۆ وڵاتە مات و گێژم
چلۆنم لێ ڕادەبووری؟ چۆنی بێژم؟
خەم و شادیم دەپرسی گەر چلۆنن!
ئەمم خەمڵیوە، تەرمی ئەو دەنێژم
لە دووریی نیشتمانی خۆشەویستم
بە ڕۆژ خەمناک و شەو خوێناو ئەڕێژم
تەریدەی کوردەواریم بۆیە هەر دەم
بژێوم مەینەتە و ژاراو ئەچێژم
ئەوێستاکەش بەرەو خاکی وڵاتە
هەموو کات و دەمێ ڕووگەیی نوێژم
دەبێ هەر بێمەوە داوێنی پاکت
لە کورتی گەر نەدا عومری درێژم

Le em namo wilate kas û gêjim
Çilonim lê radebûrî? çonî bêjim?
Xem û şadîm depirsî ger çilonin!
Emim xemlîwe, termî ew denêjim
Le dûrîy nîştimanî xoşewîstim
Be roj xemnak û şew xwênaw erêjim
Terîdey kurdewarîm boye her dem
Bijêwim meynete û jaraw eçêjim
Ewêstakeş berew xakî wilate
Hemû kat û demê rûgeyî nwêjim
Debê her bêmewe dawênî pakit
Le kurtî ger neda ’umrî dirêjim