شنەی با

زەمانی فیرقەتی یارانە ئەمشەو
شنەی بای هیجری ناودارانە ئەمشەو
لە سەحرای سینە خاری خەم ڕواوە
لە هەوری دڵ خەفەت بارانە ئەمشەو
لە پێی دڵدا سەدایێ دێت، مەزندە
زڕەی زنجیرەکەی جارانە ئەمشەو
کەبابی دڵ لە ئەشکی دیدە سوێرە
لەکن من جەژنی مەیخارانە ئەمشەو
لەسەر دڵ قەترەیی ئەشکم کە دەتکێ
خیزابی دەستی ئەغیارانە ئەمشەو
حەریری زەرد و سوور و ڕەنگی ئەشکم
مەتای کاروانی غەمبارانە ئەمشەو
حەیات و مەرگ و وەسڵ و هیجر و خۆشیم
دەڵێی هیجرانی بیمارانە ئەمشەو
زەمانی فیرقەتی یارانە ئەمشەو
شنەی بای هیجری ناودارانە ئەمشەو
لە سەحرای سینە خاری خەم ڕواوە
لە هەوری دڵ خەفەت بارانە ئەمشەو

Zemanî fîrqetî yarane emşew
Şiney bay hîcrî nawdarane emşew
Le sehray sîne xarî xem rwawe
Le hewrî dil xefet barane emşew
Le pêy dilda sedayê dêt, meznide
Zirey zincîrekey carane emşew
Kebabî dil le eşkî dîde swêre
Lekin min cejnî meyxarane emşew
Leser dil qetreyî eşkim ke detkê
Xîzabî destî exyarane emşew
Herîrî zerdû sûrû rengî eşkim
Metay karwanî xembarane emşew
Heyatû mergû weslû hîcrû xoşîm
Delêy hîcranî bîmarane emşew
Zemanî fîrqetî yarane emşew
Şiney bay hîcrî nawdarane emşew
Le sehray sîne xarî xem rwawe
Le hewrî dil xefet barane emşew