جەژنی چی؟

جەژنێ بە شێوەی پەشێوی و بە شین
بە ئاهـ و ئۆف و بە ناڵە و گرین
بە ئاوازی دڵ، دڵانی غەمگین
بە ئاهی سارد و بە برژەی برین
خوشکان لە خوێناوا چەقیو تا کەمەر
بۆ هەر لا بڕۆی شین بێ سەرانسەر

جەژنێ جێی بینین ژووری زیندان بێ
جەژنانەی لاوان کۆتی گران بێ
شادی و بەزممان جگەرئێشان بێ
یاخوا ئەو جەژنە بە زەهری مار بێ
ئەو جەژنە کۆڕی شین و شەپۆڕە
دڵ پڕ لە زام و ژیان سەرشۆڕە

جەژنێ جەژنمە خاکی نیشتمان
ژێرچەپۆک نەبێ و بژی کامەران
تۆڵەی لاوانی لەداردراوم
خوێنی گەنجانی کوردی کوژراوم
بسێنم ئەوسا نانی بڕاوم
دەزگیرم ببێ تابی هەناوم
ئەوسا پڕ بەدڵ ئەڵێم شادییە
ئەڵێم وا جەژنە و گەل ئازادییە

Cejnê be şêwey peşêwî û be şîn
Be ah û of û be nale û girîn
Be awazî dil, dilanî xemgîn
Be ahî sard û be birjey birîn
Xuşkan le xwênawa çeqîw ta kemer
Bo her la biroy şîn bê seranser

Cejnê cêy bînîn jûrî zîndan bê
Cejnaney lawan kotî giran bê
Şadî û bezmiman ciger’êşan bê
Yaxwa ew cejne be zehrî mar bê
Ew cejne korî şîn û şepore
Dil pir le zam û jyan serşore

Cejnê cejnime xakî nîştiman
Jêrçepok nebê û bijî kameran
Toley lawanî ledardirawim
Xwênî gencanî kurdî kujrawim
Bisênim ewsa nanî birawim
Dezgîrim bibê tabî henawim
Ewsa pir bedil elêm şadîye
Elêm wa cejne û gel azadîye