قوون و کورسی

کاتێ لە ماڵ بێزار دەبم
ناوماڵ و دیکۆر دەگۆڕم:
لە کۆمەد و دۆڵابەوە
تا دەگاتە فەرشی بەرپێ
کە لە خۆشم بێزار دەبم
دیسان هەندێک شت دەگۆڕم:
قەڵەم، قۆپچە، کراس، دەرپێ
لێ نازانم
چ لە شاشەی تیڤی بکەم؟
دەیان ساڵە هەمان قوون و هەمان کورسی
هەمان دەنگ و
هەمان چەنگ و
هەمان چەهرە و
هەمان چەنە و چاوی برسی
شاشەیێکە حوکمە دەبێ هەتا مردن لێی بنۆڕم
دۆش داماوم
قوون و کورسی سەر شاشەکان چۆن بگۆڕم!؟

Katê le mal bêzar debim
Nawmalû dîkor degorim:
Le komedû dolabewe
Ta degate ferşî berpê
Ke le xoşim bêzar debim
Dîsan hendêk şit degorim:
Qelem, qopçe, kiras, derpê
Lê nazanim
Çi le şaşey tîvî bikem?
Deyan sale heman qûnû heman kursî
Heman dengû
Heman çengû
Heman çehrew
Heman çenew çawî birsî
Şaşeyêke hukme debê heta mirdin lêy binorim
Doş damawim
Qûnû kursî ser şaşekan çon bigorim!?