گەڵا وەریوەکان

ئۆ نۆستالجیا بۆ ئەو شەوانەی پڕ لە جۆش بووی
لە بیر ناکەم باوەشی گەرمت کە سەرخۆش بووی
بیرم ئەڕوا بۆ ئەو ئاوازە سێنتیمێنتاڵەی
لە مەیخانان بۆ بیستنی پەرۆش بووی
بیرت ئەکەم ڕۆژانی نەوجوانی
پڕ لە ژیان و پڕ لە هیوا و دڵخۆش بووی
پاییز هەمووی پێچایەوە
کردیە ناو چاڵی کۆتایی
ئەوەی کە بۆ من مایەوە
ژینێکی تار و تەنیایی
گەڵای وەریو لەودیو پەنجەرە
ئەڕژێنە خوار بە بێ ئەژمار
لە دارستان لە ژێر پێم دەردێ
ورشەی گەڵای هەزار هەزار
لەو ڕۆژەوەی تۆ بەجێت هێشتووم
شەوگار لە من نابڕێتەوە
ئای کە چەندت بیر ئەکەم ڕابردوو
هەرساڵ کە پاییز دێتەوە

O nostalcya bo ew şewaney pir le coş bûy
Le bîr nakem baweşî gerimit ke serxoş bûy
Bîrim erwa bo ew awaze sêntîmêntaley
Le meyxanan bo bîstinî peroş bûy
Bîrit ekem rojanî newciwanî
Pir le jyanû pir le hîwaw dilxoş bûy
Payîz hemûy pêçayewe
Kirdye naw çalî kotayî
Ewey ke bo min mayewe
Jînêkî tarû tenyayî
Gelay werîw lewdîw pencere
Erjêne xwar be bê ejmar
Le daristan le jêr pêm derdê
Wirşey gelay hezar hezar
Lew rojewey to becêt hêştûm
Şewgar le min nabrêtewe
Ay ke çendit bîr ekem rabirdû
Hersal ke payîz dêtewe