بە تۆ ناگەم

هاژەی سۆزت وا لە دڵما
چرپەی ڕازت هەر لە گوێمە
دەزانم قەت بە تۆ ناگەم
بەڵام عشقت هەر لە ڕێمە
قەدەرم بوو خۆشم بوێی
زیاتر لە ڕۆحی ڕەوانم
پێشم ناڵێی باکم نییە
خۆشت دەوێم پێی دەزانم
بێ ئەوەی بە خۆم بزانم
خۆت نیشتەجێ کرد لە بیرم
پێموابوو قەت عاشق نابم
وامدەزانی پیر و ژیرم

لە ڕۆحم خۆشترم دەوێی
پیرۆزی لام وەک باوڕم
لە گیانم خۆشترم دەوێی
جێگەی تۆوە لە ناو سەرم
سیحری نیگات میهر و وەفات
دەرک و ئاگات ڕایانکێشام
ئێستا شەیدات بوو ئەوکات
تەنها بۆ تۆیە تەماشام
هێندەم بەسە بارانی سۆز
بمشواتەوە بە ئەسرینت
بە نیگای داستانی عیشقت
تۆمار بێ لە ژینم ژینت
بێ ئەوەی بە خۆم بزانم
خۆت نیشتەجێ کرد لە بیرم
پێموابوو قەت عاشق نابم
وامدەزانی پیر و ژیرم

Hajey sozit wa le dilma
Çirpey razit her le gwême
Dezanim qet be to nagem
Belam ’işqit her le rême
Qederim bû xoşim bwêy
Zyatir le rohî rewanim
Pêşim nalêy bakim nîye
Xoşt dewêm pêy dezanim
Bê ewey be xom bizanim
Xot nîştecê kird le bîrim
Pêmwabû qet ’aşiq nabim
Wamdezanî pîrû jîrim

Le rohim xoştirim dewêy
Pîrozî lam wek bawrim
Le gyanim xoştirim dewêy
Cêgey towe le naw serim
Sîhrî nîgat mîhrû wefat
Derkû agat rayankêşam
Êsta şeydat bû ewkat
Tenha bo toye temaşam
Hêndem bese baranî soz
Bimşiwatewe be esrînit
Be nîgay dastanî ’îşqit
Tomar bê le jînim jînit
Bê ewey be xom bizanim
Xot nîştecê kird le bîrim
Pêmwabû qet ’aşiq nabim
Wamdezanî pîrû jîrim