مەستی عەشق

عارەق نییە لە عالەما کە لابەرێ لە دڵ خەما
جگە لە قەترە عارەقێ لە ڕووت کە دێتە خوارەوە
چمە لە مەی لە نەی لە جام ئەگەر بە لەنجە بێتە لام
بە ڕووی تابدارەوە بە چاوی پڕ خومارەوە
نیشاتی من جەماڵی تۆ
بەراتی من ویساڵی تۆ
خەیاڵی من لە خاڵی تۆ
بە عیشوە لێم مەشارەوە
عەزیزەکەی حەبیبی من
نیگارەکەی تەبیبی من
با شەق بەرێ ڕەقیبی من
وەرە بە سەد ویقارەوە
نیساری زۆڵفی عەنبەری
هەموو وڵاتی گۆڵعومەر
بە عەرد و بەرد و دارەوە
بە ئاوی سەر چنارەوە
ئەمن گەیاندمە ئەنوەری
فنوونی شێعر و شاعیری
ئەتۆ گەیاندتە سامیری
بە چاوی سێحرەکارەوە

’areq nîye le ’alema ke laberê le dil xema
Cige le qetre ’areqê le rût ke dête xwarewe
Çime le mey le ney le cam eger be lence bête lam
Be rûy tabdarewe be çawî pir xumarewe
Nîşatî min cemalî to
Beratî min wîsalî to
Xeyalî min le xalî to
Be ’îşwe lêm meşarewe
’ezîzekey hebîbî min
Nîgarekey tebîbî min
Ba şeq berê reqîbî min
Were be sed wîqarewe
Nîsarî zolfî ’enberî
Hemû wilatî gol’umer
Be ’erdû berdû darewe
Be awî ser çinarewe
Emin geyandime enwerî
Finûnî şê’rû şa’îrî
Eto geyandite samîrî
Be çawî sêhrekarewe