منیش لێرەم

منیش لێرەم شوێنم هەیە لەم دنیایە
ژیان بێ من خەیاڵێکی بێ مانایە
کاتێک تاجی دایکایەتی ئەنێمە سەر
خۆم بەهەشتم بەهەشتیش لەژێر پێمایە
منیش لێرەم منی ئافرەت منی ئینسان
دەنگم هەیە ڕەنگم هەیە وەک هەمووتان
منیش لێرەم بوونم هەیە مانام هەیە
ئێرە بێ من وەحشەتێکە بێ هەست و گیان

منیش هەموو خەونم هەیە خەونێکی جوان
خەونێک بۆ بەهای مرۆڤ و بەهای ژیان
دڵم دەریا، سەرم باغچەی هەست و بیرە
مێهرەبانیم ئاسمانێکە، سۆزم باران
منیش لێرەم هەستم پێ بکە وەک هاوڕێ
وەک ئەوەی هە، نەک وەک ئەوەی خۆت ئەتەوێ
بێ بوونی من ئەم ژیانە تۆشی ناوێ
ژیان وایە، ئێمەی پێکەوە خۆش ئەوێ

منیش لێرەم شوێنم هەیە لەم دنیایە
ژیان بێ من خەیاڵێکی بێ مانایە

Minîş lêrem şwênim heye lem dinyaye
Jyan bê min xeyalêkî bê manaye
Katêk tacî daykayetî enême ser
Xom beheştim beheştîş lejêr pêmaye
Minîş lêrem minî afret minî însan
Dengim heye rengim heye wek hemûtan
Minîş lêrem bûnim heye manam heye
Êre bê min wehşetêke bê hestû gyan

Minîş hemû xewnim heye xewnêkî cwan
Xewnêk bo behay mirovû behay jyan
Dilim derya, serim baxçey hestû bîre
Mêhrebanîm asmanêke, sozim baran
Minîş lêrem hestim pê bike wek hawrê
Wek ewey he, nek wek ewey xot etewê
Bê bûnî min em jyane toşî nawê
Jyan waye, êmey pêkewe xoş ewê

Minîş lêrem şwênim heye lem dinyaye
Jyan bê min xeyalêkî bê manaye