کوڕە مەکە شیرەکەم لێ دەڕژێ

قەسەم بەو خاڵەی لە ڕووتە
فینجانەی دەستت یاقووتە
دڵم لەگەڵ دڵت جووتە
ئارامی گیانم کوڕە مەکە
شیرەکەم لێ دەڕژێ هەتیو مەکە
دایکم دەمکوژێ بڕۆ مەکە

هەتیوێ بووم یاری یاری
خۆم دەهاویشتە سەر دیواری
ماچم دەستاند بە زۆرداری
ئارامی گیانم کوڕە مەکە
خەڵکی دیارە بڕۆ مەکە
هەی پەنا دیوارە توخدا مەکە

مێشی خاڵت نافڕێت بەس باوەشێنی کە بەناز
چونکێ پابەندە بە شەهدی شەکەری گۆناتەوە
ئیجازەم دەیێ من غەریب و مسکێن و بێدەر با شەوێ بێمە لاتەوە

یەخەی خۆم دەدڕم سەرپاکە
چونکێ ئەو کچە پێم دەڵێ کاکە
دڵم لە تاوی هیلاکە
ئارامی گیانم کوڕە مەکە
شیرەکەم لێ دەڕژێ توخدا مەکە
دایکم دەمکوژێ بڕۆ مەکە

چاوم بە دوو چاوی جوانت
لێوم بە لێوی قەیتانت
ماچ کەم خاڵی نێو مەمکانت
ئارامی گیانم بڕۆ مەکە
خەڵکی دیارە بڕۆ مەکە
هەی پەنا دیوارە توخدا مەکە

Qesem bew xaley le rûte
Fîncaney destit yaqûte
Dilim legel dilit cûte
Aramî gyanim kure meke
Şîrekem lê derjê hetîw meke
Daykim demkujê biro meke

Hetîwê bûm yarî yarî
Xom dehawîşte ser dîwarî
Maçim destand be zordarî
Aramî gyanim kure meke
Xelkî dyare biro meke
Hey pena dîware tuxda meke

Mêşî xalit nafrêt bes baweşênî ke benaz
Çunkê pabende be şehdî şekerî gonatewe
Îcazem deyê min xerîbû miskênû bêder ba şewê bême latewe

Yexey xom dedirim serpake
Çunkê ew kiçe pêm delê kake
Dilim le tawî hîlake
Aramî gyanim kure meke
Şîrekem lê derjê tuxda meke
Daykim demkujê biro meke

Çawim be dû çawî cwanit
Lêwim be lêwî qeytanit
Maç kem xalî nêw memkanit
Aramî gyanim biro meke
Xelkî dyare biro meke
Hey pena dîware tuxda meke