خەمێ خاکەگەم

گوڵوەنی بەسەی خەزاڵ خەرامان
دیاری نییە چوڵ کردە میلکان
نە هاوزوانی نە کەس تیەیدە لام
غەریبم لە خوەم لە خوەیشگ و برام
خەمێ من، ژانم، ژانێ ژیانە
هەناسەی پڕ دەرد پەژارەی ژانە
خەمێ خاکەگەم لە گشت گرانتر
کەس نییە هاودەرد ماڵێ سەرد و سڕ

ژانێ مەردمێ فەقیر و کەمدەس
فەرهەنگێ کوشیا زوان گریە بەس
ژان خو کەم نییە لە چوارلاوە خەم
ئەر پشتم نەگری خەم وە چە لاوەم
خەمێ من، ژانم، ژانێ ژیانە
هەناسەی پڕ دەرد پەژارەی ژانە
خەمێ خاکەگەم لە گشت گرانتر
کەس نییە هاودەرد ماڵێ سەرد و سڕ

ئمڕوو من و تۆ چۊن دوو هاوزوان
چۊ بڕبڕەی پشت هەر لە دڵ و گیان
ئەڕای نەیشتنێ خەم و خوسە و ژان
لە خەو هەڵسیم گشتکەسەی باوان
خەمێ من، ژانم، ژانێ ژیانە
هەناسەی پڕ دەرد پەژارەی ژانە
خەمێ خاکەگەم لە گشت گرانتر
کەس نییە هاودەرد ماڵێ سەرد و سڕ

Gulwenî besey xezal xeraman
Dyarî nîye çul kirde mîlkan
Ne hawziwanî ne kes tyeyde lam
Xerîbim le xwem le xweyşgû biram
Xemê min, janim, janê jyane
Henasey pir derd pejarey jane
Xemê xakegem le gişt girantir
Kes nîye hawderd malê serdû sir

Janê merdimê feqîrû kemdes
Ferhengê kuşya zwan girye bes
Jan xu kem nîye le çwarlawe xem
Er piştim negrî xem we çe lawem
Xemê min, janim, janê jyane
Henasey pir derd pejarey jane
Xemê xakegem le gişt girantir
Kes nîye hawderd malê serdû sir

Imrû minû to çiẅin dû hawziwan
Çiẅ birbirey pişt her le dilû gyan
Eray neyştinê xemû xusew jan
Le xew helsîm giştikesey bawan
Xemê min, janim, janê jyane
Henasey pir derd pejarey jane
Xemê xakegem le gişt girantir
Kes nîye hawderd malê serdû sir