نامەی ژاکاو

ئەی ئاوازی ساتی هۆنینەوەی هەڵبەست
بەستە و سازی ئەو شەوانەی ئەژیم سەرمەست
چیت زانیوە، وا بە جارێ لەخۆباییت؟
بۆ، وەک جاران ئاشنا نییە نامەی دواییت؟

بۆ تیا نەبوو ئەندێشەی بیرێکی ورد
بۆنێکی خۆش یا نەخشێکی جوانی دەستکرد؟
من بۆ ناخی وشەکانت بە قووڵی چووم
هیچ هەستێک و مووچڕکێکیان پێ نەبەخشیم

خۆشەویستم!
من ئەمەوێ وشەکانت
ببزوێنێ چرۆی هەستم
دڵی مەستم
من ئەمەوێ وشەکانت یەکجار تەڕ بێ
وەک دڵی من تەزوو تەڕ بێ

Ey awazî satî honînewey helbest
Bestew sazî ew şewaney ejîm sermest
Çît zanîwe, wa be carê lexobayît?
Bo, wek caran aşna nîye namey dwayît?

Bo tya nebû endêşey bîrêkî wird
Bonêkî xoş ya nexşêkî cwanî destikird?
Min bo naxî wişekanit be qûlî çûm
Hîç hestêkû mûçrikêkyan pê nebexşîm

Xoşewîstim!
Min emewê wişekanit
Bibziwênê çiroy hestim
Dilî mestim
Min emewê wişekanit yekcar ter bê
Wek dilî min tezû ter bê