تۆ بەڵێنم پێ بدە

تۆ بەڵێنیم پێ بدە تا من بەرەو ژوان ببمەوە
بمدەی ماچێکی تەڕ لەو لێوە، با جوان ببمەوە

دەستی لەرزۆکم هەتا تێیدایە هێزی بەی گوشین
لێم گەڕێ تاوێ لە باخی سینە میوان ببمەوە

شەنگەبێری بسڕەوە فرمێسکی بێ شوانی ئیتر
ڕەنگە هێشتا لەو چیا و زۆزانە بۆ شوان ببمەوە

من گوڵی سەر گۆڕی ئاواتی لەمێژینەم بەڵام
ڕێژنێکم لێ بدا پێم وایە بۆ ڕوان ببمەوە
تۆ بەڵێنم پێ بدە تا من بەرەو ژوان ببمەوە
بمدەیێ ماچێکی تەڕ لەو لێوە، با جوان ببمەوە

To belênîm pê bide ta min berew jwan bibmewe
Bimdey maçêkî ter lew lêwe, ba cwan bibmewe

Destî lerzokim heta têydaye hêzî bey guşîn
Lêm gerê tawê le baxî sîne mîwan bibmewe

Şengebêrî bisrewe firmêskî bê şwanî îtir
Renge hêşta lew çyaw zozane bo şwan bibmewe

Min gulî ser gorî awatî lemêjînem belam
Rêjnêkim lê bida pêm waye bo rwan bibmewe
To belênim pê bide ta min berew jwan bibmewe
Bimdeyê maçêkî ter lew lêwe, ba cwan bibmewe