حەبیبا دڵ گەلێ بیمارە بێ تۆ

حەبیبا دڵ گەلێ بیمارە بێ تۆ
لەبەر دووریت لە ڕۆح بێزارە بێ تۆ
فەرامۆشی نییە بەو خەڵقە ئێستێ
لە لای نەخشێکی دیوارە بێ تۆ

هەموو دەم وا لە گۆشەی بێکەسیدا
بە شین و زاریی و هاوارە بێ تۆ
ئەگەر فەرمووی چلۆن ماوی ئەمێستێ
لە ئەم سەگمەرگییە، بێعارە بێ تۆ

شەوی هیجران لە بەختی دڵ درێژە
کە ڕۆژی تالیعیشی تارە بێ تۆ
کە شادی دوژمن و غەم دۆستە قوربان
جەفا یار و سەفا ئەغیارە بێ تۆ

Hebîba dil gelê bîmare bê to
Leber dûrît le roh bêzare bê to
Feramoşî nîye bew xelqe êstê
Le lay nexşêkî dîware bê to

Hemû dem wa le goşey bêkesîda
Be şînû zarîyû haware bê to
Eger fermûy çilon mawî emêstê
Le em segmergîye, bê’are bê to

Şewî hîcran le bextî dil dirêje
Ke rojî talî’îşî tare bê to
Ke şadî dujmnû xem doste qurban
Cefa yarû sefa exyare bê to