فاتمە دوو چاوی مەستت

فاتمە دوو چاوی مەستت پڕ لە سیحر و جوانییە
پڕ شەرابی خۆشەویستی و عارەقی یەزدانییە
بەژن و باڵاکەت نموونەی هەیکەلی یۆنانییە
لار و لەنجەت مۆسیقایە بەستەیە گۆرانییە

گەرچی دڵداری لەم عەسرە کۆنەیە و ئەفسانەیە
هەر بەتەنیا بۆ کوڕی خاوەن تەلار و عانەیە
گیانەکەم ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە
بووکی ڕازاوەی خەیاڵم گیانەکەم تۆی فاتمە
سەروەتم ناوێ بزەی تۆ ئەوپەڕی ئاواتمە

Fatme dû çawî mestit pir le sîhrû cwanîye
Pir şerabî xoşewîstîw ’areqî yezdanîye
Bejnû balaket nimûney heykelî yonanîye
Larû lencet mosîqaye besteye goranîye

Gerçî dildarî lem ’esre koneyew efsaneye
Her betenya bo kurî xawen telarû ’aneye
Gyanekem emma dilî min lew dile şêtaneye
Bê ewey hîç şik berê kujrawî ew çawaneye
Bûkî razawey xeyalim gyanekem toy fatme
Serwetim nawê bizey to ewperî awatme