فاتمە دوو چاوی مەستت

چاوەکەم دوو چاوی مەستت پڕ لە سیحر و جوانییە
پڕ شەرابی خۆشەویستی و عارەقی یەزدانییە
بەژن و باڵاکەت نموونەی هەیکەلی یۆنانییە
لار و لەنجەت مۆسیقایە بەستەیە گۆرانییە

هەر بەتەنیا خۆشەویستی شک دەبەم ئەی چاوەکەم
سەروەتم ناوێ بزەی تۆ ئەوپەڕی ئاواتمە
گەرچی لەم عەسرە تازەیە ئەفسانەیە
هەر بە تەنیا بۆ کوڕی خاوەن تەلار و عانەیە
گیانەکەم ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە

Çawekem dû çawî mestit pir le sîhrû cwanîye
Pir şerabî xoşewîstîw ’areqî yezdanîye
Bejnû balaket nimûney heykelî yonanîye
Larû lencet mosîqaye besteye goranîye

Her betenya xoşewîstî şik debem ey çawekem
Serwetim nawê bizey to ewperî awatme
Gerçî lem ’esre tazeye efsaneye
Her be tenya bo kurî xawen telarû ’aneye
Gyanekem emma dilî min lew dile şêtaneye
Bê ewey hîç şik berê kujrawî ew çawaneye