سەبری

سەبری ئێژێ من شوو ناکەم
کراسی کوردی لە بەر ناکەم
لەبەر خاتر ئەو دوو براکەم
ئامان ئامان لەو سەبرییە
کوشتوومی ئاگای لێم نییە

دەمێکە من لە غوربەتدام غەریبی بەحری حیرمانم
بە بێ گوڵ غونچەی دەمیدا موقیمی کونجی هیجرانم
ئامان سەبری دیدەم سەبری
بە سەرتاپا چەن بە مەکری
قەدری غەریبان ناگری

ئەو چاوانەی هەڵیان دێنی
بە کلە و دەرمان دەیڕازێنی
بەندی جەرگم تۆ ئەپسێنی
بۆچ لێم زیزی نامدوێنی
گیانم سەبری ڕۆحم سەبری
بە سەرتا دا دەسرەی هەوری
سەد ماشەڵا چەند بە مەکری

تەماشای بولبولی دڵ کەن بە ناحەق خۆ نەسووتاوە
دەڵێن ئەمڕۆ لە من دوور بوو گوڵی نەوڕەس نەگۆڕاوە
گوڵەکەم ڕۆ دڵەکەم ڕۆ بە جارێ ماڵی وێرانم

Sebrî êjê min şû nakem
Kirasî kurdî le ber nakem
Leber xatir ew dû birakem
Aman aman lew sebrîye
Kuştûmî agay lêm nîye

Demêke min le xurbetdam xerîbî behrî hîrmanim
Be bê gul xunçey demîda muqîmî kuncî hîcranim
Aman sebrî dîdem sebrî
Be sertapa çen be mekirî
Qedrî xerîban nagrî

Ew çawaney helyan dênî
Be kilew derman deyrazênî
Bendî cergim to epsênî
Boç lêm zîzî namdiwênî
Gyanim sebrî rohim sebrî
Be serta da desrey hewrî
Sed maşela çend be mekirî

Temaşay bulbulî dil ken be naheq xo nesûtawe
Delên emro le min dûr bû gulî newres negorawe
Gulekem ro dilekem ro be carê malî wêranim