دە وەرە گوڵم

خۆزگەم بەوەی لە دووی تۆ کە دەڕوانێتە ڕووی تۆ
نامرێت بە ئارەزووی تۆ کچێ لە حەسرەت جووتێک لیمۆ
دە وەرە گوڵم نێوی دڵم تا هێزم ماوە
قۆڵت بکە بە سەرینم ئەی نازەنینم وەی وەی وەی وەی
باسکت بنێ ژوور سەرینم مەرگت نەبینم

خۆزگەم بەوەی لەلاتە وێنەی من مبتەلاتە
کوشتەی پاوانەی پاتە تا مردن هەر لەلاتە
زوو وەرە گوڵم نێوی دڵم تا هێزم ماوە
قۆڵت بکە بە سەرینم ئەی نازەنینم وەی وەی وەی وەی
باسکت بکە بە سەرینم مەرگت نەبینم

ئەرێ هەتا جەوان بووم فرە پیر نەبووم
تاکو جەحێڵ بووم فرە پیر نەبووم
ئەمکرد ڕاوی باز سۆنەگیر نەبووم
ئەرێ هەتا جەحێڵ بووم فرە پیر نەبووم
دەمکرد ڕاوی باز سۆنەگیر نەبووم
ئێستا کە پیرم لاڵ بم من ئەگرم سۆنە
ئێستا کە پیرم بووم من ئەگرم سۆنە
سۆنەش سڵ دەکات با بمرم لە داوی کۆنە

تەحا لەو چاوە جوانە سەرتۆپی کوردستانە
پێم گوت ئاوێزانت بم بە دزی و بە مەحرەمانە
دە وەرە گوڵم نێوی دڵم تا عەترت ماوە
قۆڵت بکە بە سەرینم ئەی نازەنینم وەی وەی وەی وەی
باسکت بکە بە سەرینم مەرگت نەبینم

Xozgem bewey le dûy to ke derwanête rûy to
Namrêt be arezûy to kiçê le hesret cûtêk lîmo
De were gulim nêwî dilim ta hêzim mawe
Qolit bike be serînim ey nazenînim wey wey wey wey
Baskit binê jûr serînim mergit nebînim

Xozgem bewey lelate wêney min mibtelate
Kuştey pawaney pate ta mirdin her lelate
Zû were gulim nêwî dilim ta hêzim mawe
Qolit bike be serînim ey nazenînim wey wey wey wey
Baskit bike be serînim mergit nebînim

Erê heta cewan bûm fire pîr nebûm
Taku cehêl bûm fire pîr nebûm
Emkird rawî baz sonegîr nebûm
Erê heta cehêl bûm fire pîr nebûm
Demkird rawî baz sonegîr nebûm
Êsta ke pîrim lal bim min egirim sone
Êsta ke pîrim bûm min egirim sone
Soneş sil dekat ba bimirim le dawî kone

Teha lew çawe cwane sertopî kurdistane
Pêm gut awêzanit bim be dizî û be mehremane
De were gulim nêwî dilim ta ’etirit mawe
Qolit bike be serînim ey nazenînim wey wey wey wey
Baskit bike be serînim mergit nebînim