بلوێری شوان

نیوەشەوە دنیا خامۆش دێتە گوێم ئاهەنگێکی خۆش
ئاهەنگێکی گیان پەروەرە شادی هێنە خەفەتبەرە
ئاهەنگێکی دڵنەوازە تارە یۆڵۆنە یا سازە
نا نا ئاهەنگی بلوێرە جا وەرە گوێی بۆ ڕادێرە

هەزار خۆرگەم بە خۆت شوانە کە بەو مانگەشەوە جوانە
دانیشتووی لە ڕژد و هەڵدێر قامکان دەبزێوی لە بلوێر
دەگەڵ تەبیعەت هاودەمی شادی، بە کەیفی، بێ غەمی
ئاغاش بە نۆکەر ناگری وەک من لە داخا نامری

وەرە شوانە هەموو شەوێ نیوەشەوێ کاتی خەوێ
لەو کێو و دەشت و زەنوێرە تێی تووڕێنە لەو بلوێرە
نیوەشەوە دنیا خامۆش دێتە گوێم ئاهەنگێکی خۆش

Nîweşewe dinya xamoş dête gwêm ahengêkî xoş
Ahengêkî gyan perwere şadî hêne xefetbere
Ahengêkî dilnewaze tare yolone ya saze
Na na ahengî bilwêre ca were gwêy bo radêre

Hezar xorgem be xot şwane ke bew mangeşewe cwane
Danîştûy le rijdû heldêr qamkan debzêwî le bilwêr
Degel tebî’et hawdemî şadî, be keyfî, bê xemî
Axaş be noker nagrî wek min le daxa namrî

Were şwane hemû şewê nîweşewê katî xewê
Lew kêwû deştû zenwêre têy tûrêne lew bilwêre
Nîweşewe dinya xamoş dête gwêm ahengêkî xoş